थप ३ सय ४१ संक्रमित, मृतक संख्या ३ जना

काठमाडौँ,मङ्सिर २७ । नेपालमा कोरोना भाइरसका ३ सय ४१ जना संक्रमित थपिएका छन् । यससंगै कुल संक्रमितको संख्या ८ लाख २४ हजार ५ सय ३५ पुगेको स्वास्थ्य तथा जनसंख्या मन्त्रालयले जनाएको छ ।

त्यस्तै, आज ३ सय ७६ जना संक्रमणमुक्त भएका छन् । हालसम्म ८ लाख ७ हजार १ सय ५४ जना संक्रमणमुक्त भएका छन् । मन्त्रालयको अनुसार पछिल्लो २४ घन्टामा १३ हजार २ सय ३६ जनामा परिक्षण गर्दा उक्त संक्रमण पुष्टि भएको हो ।

कोरोना संक्रमणबाट आज थप तीन जनाको मृत्यु भएको छ । योसँगै कोरोना संक्रमणबाट नेपालमा मृत्यु हुनेको संख्या ११ हजार ५ सय ५७ पुगेको स्वास्थ्य मन्त्रालयले जनाएको छ ।