नुवाकोट शिवपुरीमा रहेको नमस्ते महिला कृषि सहकारीको साधारण सभा सम्पन्न
नुवाकोट, मंसिर २५ । जिल्लाको शिवपुरी गाउँपालिका वडा नम्बर ४ मा रहेको नमस्ते महिला कृषि सहकारीको साधारणसभा सम्पन्न भएको छ।
संस्थाका अध्यक्ष बिष्णु खडकाले १ लाखबाट सुरु भएको सहकारी अहिले लाखौं रुपैयाँको साथै सयौं किसानको माया पाएको बताए।
कार्यक्रममा स्थानीय लोकोन्मुख खैचेडी शैलीको कृष्ण गीत, तामाङ सेलो, पन्चे बाजा घाँसे गीत समेत प्रस्तुत गरिएको थियोे। कार्यक्रममा चर्चित गायक दलबहादुर डङोल, शिवनारायण जोशी लगायत कलाकारको समेत उपस्थिति रहेको थियोे।
शिवपुरी गाउँपालिकाकी उपाध्यक्ष मन्जु केसीको प्रमुख आतिथ्यता रहेको कार्यक्रममा उपाध्यक्ष केसीले नमस्ते महिला कृषि सहकारीले किसानको समस्या हल गरेर उनीहरुको मन जित्न सकेको खण्डमा हर्षित भएको बताइन् ।
कार्यक्रममा सो सहकारीको सहयोगमा गाउँ घरमा लगाइएको सिताके च्याउ, रेम्बो ट्राउट माछा, अकबरे खुर्सानी, अदुवा, साग, लसुन लगायतका कृषि सामग्री समेत प्रदर्शनी गरिएको थियोे। कार्यक्रममा नमूना कृषक रामप्रसाद पुडासैनी, नवराज थापा लगायतको उपस्थिति समेत रहेको थियोे।