थपिए २११ जना कोरोना संक्रमित, ३२९ जना संक्रमणमुक्त
काठमाडौं,मंसिर २४ । नेपालमा विगत २४ घण्टामा थप २११ जनामा कोरोना भाइरसको संक्रमण पुष्टि भएको छ ।
स्वास्थ्य तथा जनसंख्या मन्त्रालयलले बिहीवार दिएको जानकारी अनुसार उक्त अवधिमा ८ हजार १८ जनाको पीसीआर परीक्षण गर्दा १९७ जना र १ हजार ४३३ जनाको एन्टीजेन परीक्षण गर्दा १४ जना गरी २११ जनामा कोरोना संक्रमण पुष्टि भएको हो ।
मन्त्रालयका अनुसार उक्त अवधिमा कोरोना संक्रमणका कारण दुई जनाको मृत्यु भएको छ । योसँगै नेपाल मृत्यु हुनेको संख्या ११ हजार ५४९ पुगेको छ । यसैगरी सोही अवधिमा ३२९ जना संक्रमणमुक्त भएका छन् ।
बिहीवार थपिएसँगै नेपालमा कोरोना संक्रमितको कुल संख्या ९ लाख १९ हजार २५५ पुगेको छ भने हालसम्म ८ लाख ५ हजार ९०० जना संक्रमणमुक्त भएका छन् ।
मन्त्रालयका अनुसार हाल मुलुकभर कोरोनाका सक्रिय संक्रमितको संख्या ६ हजार १०५ जना रहेको छ। हाल ५ हजार ८३३ जना होम आईसोलेशनमा रहेका छन् भने २७२ जना संस्थागत आईसोेलेशनमा रहेका छन् । यसैगरी १२१ जना आईसीयू र ३० जना भेन्टिलेटरमा उपचाररत् छन् ।