नुवाकोट तलाखु हत्याकाण्डमा संलग्नको तस्बिर सार्वजनिक
नुवाकोट,मंसिर २३ । जिल्ला प्रहरी कार्यालय नुवाकोटले तलाखु हत्याकाण्डमा संलग्नको तस्वीर सार्वजनिक गरेको छ।
सोमबार साँझ घटेको तलाखु हत्या काण्डमा संलग्न ब्यक्तिहरुमा जिल्लाको दुप्चेश्वर गाउँपालिका वडा नम्बर ७ स्थायी ठेगाना भएको वर्ष २८ को कुमार पण्डित, सोही ठाँउको वर्ष ३३ को श्यामहरी पण्डित र वर्ष ३४ को राजेश कडेल रहेका छन् । घटना संलग्न अर्का एक शिवपुरी गाउँपालिका वडा नम्बर १ बस्ने वर्ष ४२ को कृष्णबहादुर श्रेष्ठ रहेका छन् ।
सार्वजनिक गरिएका ब्यक्तिहरुले अत्याधिक मादक पदार्थ सेवन गरि नुवाकोट पञ्चकन्या गाउँपालिका वडा नम्बर ३ का वर्ष २० का सुमन थापाको हत्यामा संलग्न भएको जिल्ला प्रहरी कार्यालय नुवाकोटले जनाएको छ।
मृतक सुमन थापाको बुधबार प्रहरी र पञ्चकन्या गाउँपालिकाका जनप्रतिनिधिहरु बीच छलफल गरि दाहसंस्कार गरिएको थियोे।