नुवाकोट तलाखु हत्याकाण्ड: हत्यामा संलग्न ४ जनाको नाम सार्वजनिक
नुवाकोट,मंसिर २२ । जिल्लाको शिवपुरी १ तलाखुमा भएको विभत्स हत्यामा संलग्न ४ जनाको नाम जिल्ला प्रहरी कार्यालयले सार्वजनिक गरेको छ। सोमबार साँझ घटेको तलाखु हत्या काण्डमा संलग्न ब्यक्तिहरुमा जिल्लाको दुप्चेश्वर गाउँपालिका वडा नम्बर ७ स्थायी ठेगाना भएको वर्ष २८ को कुमार पण्डित, सोही ठाँउको वर्ष ३३ को श्यामहरी पण्डित र वर्ष ३४ को राजेश कडेल रहेका छन् ।
घटना संलग्न अर्का एक शिवपुरी गाउँपालिका वडा नम्बर १ बस्ने वर्ष ४२ को कृष्णबहादुर श्रेष्ठ रहेका छन् ।सार्वजनिक गरिएका ब्यक्तिहरुले अत्याधिक मादक पदार्थ सेवन गरि नुवाकोट पञ्चकन्या गाउँपालिका वडा नम्बर ३ का वर्ष २० का सुमन थापाको हत्यामा संलग्न भएको जिल्ला प्रहरी कार्यालय नुवाकोटले जनाएको छ।
मृतक थापाको बुधबार प्रहरी र पञ्चकन्या गाउँपालिकाका जनप्रतिनिधिहरु बीच छलफल गरि संस्कारका लागि पञ्चकन्या लगिएको बताइएको छ।