नुवाकोट लिखुको सिद्धी गणेश विद्यालयमा भोलि नाटक मञ्चन हुने

नुवाकोट,मंसिर २१ । जिल्लाको लिखु गाउँपालिका वडा नम्बर ६ भट्टथोकमा अवस्थित सिद्धी गणेश आधार भूत विद्यालयमा नाटक मञ्चन हुने भएको छ।

बुधबार मध्याह्न १ बजेपछि हुने नाटक मञ्चनमा इन्टरनेसनल सेन्टर फर सोसियल थिएटर नेपालका ख्यातिप्राप्त एक दर्जन कलाकारको उपस्थिति रहने विद्यालयले जनाएको छ।

कोशिस नेपाल नामक गैरसरकारी संस्थाको सहयोगमा हुने नाटक प्रदर्शनीमा सबैको उपस्थितिको लागि विद्यालयले सादर अनुरोध गरेको छ।

नाटक ‘नदेखिने घाउहरु’मा मनोसामाजिक दृष्टान्तलाई उजागर गर्न खोजिएको कोशिस नेपालका सफल सापकोटाले बताए।