थप २ सय ५ जना संक्रमित, ४ सय ३६ जना संक्रमणमुक्त

काठमाडौं,मंसिर १९ । नेपालमा पछिल्लो २४ घण्टामा कोरोना भाइरसका २ सय ५ जना संक्रमित थपिएका छन् । यससंगै कुल संक्रमितको संख्या ८ लाख २२ हजार ५ सय ९२ पुगेको स्वास्थ्य तथा जनसंख्या मन्त्रालयले जनाएको छ ।

त्यस्तै, आज ४ सय ३६ जना संक्रमणमुक्त भएका छन् । हालसम्म ८ लाख ४ हजार ५ सय ४४ जना संक्रमणमुक्त भएका छन् । मन्त्रालयको अनुसार पछिल्लो २४ घन्टामा पिसीआर विधिबाट २ सय र एन्टिजेन विधिबाट ५ जनामा संक्रमण पुष्टि भएको हो ।

पछिल्लो २४ घन्टामा देशभर २ सय ५ कोरोना संक्रमित थपिएका छन् । थपिएका संक्रमित मध्ये काठमाडौं उपत्यकामा मात्रै १ सय ३ जना रहेका छन् ।