थप २ सय ३८ जनामा कोरोना संक्रमण, मृत्यु ५

काठमाडौं, १८ मंसिर । नेपालमा पछिल्लो २४ घण्टामा कोरोना भाइरसका २ सय ३८ जना संक्रमित थपिएका छन् । यससंगै कुल संक्रमितको संख्या ८ लाख २२ हजार ३ सय ९२ पुगेको स्वास्थ्य तथा जनसंख्या मन्त्रालयले जनाएको छ ।

त्यस्तै सोही समयावधिमा ३ सय ९२ जना संक्रमणमुक्त भएका छन् । हालसम्म ८ लाख ४ हजार १ सय ८ जना संक्रमणमुक्त भएका छन् । मन्त्रालयको अनुसार पछिल्लो २४ घन्टामा ६ हजार ७ सय ९७ जनामा परिक्षण गर्दा उक्त संक्रमण पुष्टि भएको हो ।

त्यस्तै गत २४ घन्टामा कोरोना संक्रमणबाट आज थप ५ जनाको मृत्यु भएको छ । योसँगै कोरोना संक्रमणबाट नेपालमा मृत्यु हुनेको संख्या ११ हजार ५ सय ४० पुगेको स्वास्थ्य मन्त्रालयले जनाएको छ ।