नयाँ दिल्लीका सबै विद्यालय अनिश्चितकालका लागि बन्द

नयाँदिल्ली,मंसिर १६ । भारतको राजधानी नयाँ दिल्लीका सबै विद्यालय अनिश्चितकालका लागि बन्द गरिएको छ ।

भारतीय समाचार माध्यम एएनआईका अनुसार शहरको वायु प्रदूषणको अवस्थाका कारण दिल्लीका सबै विद्यालय भोलि शुक्रबारदेखि अर्को सूचना जारी नहुन्जेलसम्मका लागि बन्द गरिएको हो।

भारतको सर्वोच्च अदालतले बिग्रँदो वायु प्रदूषणबीच बालबालिकाका लागि भौतिक कक्षा सञ्चालन गर्ने केजरीवाल नेतृत्व सरकारको आलोचना गरेपछि शुक्रबारदेखि सबै विद्यायल बन्द गरिन लागिएको हो ।