माओवादी केन्द्र सुर्यगढीको अध्यक्षमा इमानसिंह तामाङ
नुवाकोट, मंसिर १६ । माओवादी केन्द्र सुर्यगढीको अध्यक्षमा इमानसिंह तामाङ चयन भएका छन् ।
बुधबार भएको संगठनको दोस्रो सम्मेलनले तामाङलाई अध्यक्षमा चयन गरेको हो। सो सम्मेलनले तामाङसहित ५५ सदस्यीय कार्यसमिति चयन गरेको छ । कार्यसमितिका अन्य पदाधिकारीहरुमा उपाध्यक्षमा गुरुप्रसाद अधिकारी, कृष्णमान तामाङ, हरिकृष्ण भट्टराई, सचिवमा पुरुषोतम अधिकारी, सहसचिव कुमार राई र कोषाध्यक्षमा बुद्वलक्ष्मी पाख्रिन चयन भएका छन् ।
सो सम्मेलनमा प्रमुख अतिथि शिक्षा राज्यमन्त्री बोधमाया यादव, माओवादी केन्द्र नुवाकोट इञ्चार्ज बिमला सुवेदी, अध्यक्ष एवं वाग्मती प्रदेशसभा सदस्य हिरानाथ खतिवडा, अतिथिहरु पुष्प लामिछाने, विवेक अधिकारीलगायतको उपस्थिति रहेको थियोे ।