नुवाकोटमा काठे पुलबाट खसेर खोलामा बेपत्ता बालकको शव अझै भेटिएन
नुवाकोट,मंसिर १६ । जिल्लाको दुप्चेश्वर गाउँपालिका वडा नम्बर ६ मा काठे पुलबाट खसेर बेपत्ता बालकको शव अझै भेटिएको छैन ।
दुप्चेस्वर गाउँपालिका वडा नम्बर ६ करेजुङ्ग निवासी दावा तामाङको बर्ष ४ को छोरा जोन तामाङ काठेपुल बाट खसेर बुधबार दिउँसोदेखि बेपत्ता भएको र खोजी कार्यलाई तीव्रता दिलाए पनि शव भेट्न नसकिएको गाउँपालिकाका अध्यक्ष योविन्द्रसिंह तामाङले बताए ।
स्थानीय हस्त मेमोरियल एकेडेमी बोर्डिङ स्कुल रामतीको नर्सरीमा अध्यनरत बालक तामाङ स्कुलबाट पढेर फर्कने क्रममा बगैचाको फड्के पुलबाट खसेर बेपत्ता भएका थिए ।
माओवादी केन्द्र वडा नम्बर ६ का अध्यक्ष राजकुमार श्रेष्ठका अनुसार बुधबार साँझ अबेरसम्म र शुक्रबार पनि निरन्तर खोजी गरिरहेको बताए ।
यसअघि भेटीएको समाचार प्रकाशन भएकोमा क्षमाप्रार्थी छौ- सम्पादक