अछाममा बस दुर्घटना हुँदा दुईको मृत्यु, २५ जना घाइते

अछाम,मंसिर १४ । अछाममा बस दुर्घटनामा परेको छ।मंगलसेनबाट धनगढी गइरहेको ना ६ ख ८२९ नम्बरको बस मंगलसेनस्थित कैलाशखोला नजिक दुर्घटना भएको हो। दुर्घटनामा परी दुई जनाको मृत्यु भएको छ । सो बस मंगलसेनबाट छुटेको केही मिनेटमै दुर्घटनामा परेको प्रहरीले जनाएको छ।

दुर्घटनामा मंगलसेन नगरपालिका– १४ निवासी ५७ वर्षीय टंक भण्डारी र मंगलसेन नगरपालिका–१ का २१ वर्षीय एकेन्द्र थापाको घटनास्थलमै मृत्यु भएको डीएसपी तुलसीराम अर्यालले बताए । उनका अनुसार दुर्घटनामा २५ बढी यात्रु घाइते भएका छन् ।

दुर्घटनाका घाइतेमध्ये २१ जनालाई जिल्ला अस्पताल र थपलाई वयलपाटा अस्पतालमा पठाइएको डीएसपी अर्यालले बताए । अप्ठेरो ठाउँमा बस फसेकाले केही यात्रु बसमुनी च्यापिएको हुनसक्ने बताइएको छ ।