नुवाकोट शिवपुरी माओवादी केन्द्रको अध्यक्षमा मिनबहादुर तामाङ

नुवाकोट,मंसिर १४ । नेपाल कम्युनिस्ट पार्टी माओवादी केन्द्र शिवपुरी गाउँपालिकाको अध्यक्षमा मिनबहादुर तामाङ चयन भएका छन् ।

सोमबार राति अबेरसम्म भएको माओवादी केन्द्र शिवपुरी गाउँपलिकाको माओवादी केन्द्र समर्थित नेताकार्यकर्ताको भेलाले तामाङलाई अध्यक्षको पदमा चयन गरेकोले हो।

त्यस्तै सो भेलाले ५५ सदस्यीय कमिटी समेत चयन गरेको छ।समितिको उपाध्यक्षमा सुकुराम तामाङ, अर्का उपाध्यक्षमा प्रताप बिक, अर्का उपाध्यक्षमा शम्भुबहादुर थापा, सचिवमा बिरबहादुर तामाङ, सहसचिवमा राजकुमार गजमेर, कोषाध्यक्षमा दिनेश तामाङसहित ५५ सदस्यीय  कमिटी चयन भएको हो। सो भेला पूर्व बाजागाजा र अन्य झाकी समेत प्रस्तुत गरिएको माओवादी केन्द्र शिवपुरी गाउँपालिकाले जनाएको छ। कार्यक्रममा माओवादी नुवाकोटका नेता तथा पूर्व सांसद हितबहादुर तामाङको समेत उपस्थिति रहेको थियोे ।