कोरोना अपडेट: थप २५९ संक्रमित, २६४ निको

काठमाडौं, मंसिर १३ । नेपालमा पछिल्लो १४ घण्टामा कोरोना भाइरसका २ सय ५९ जना संक्रमित थपिएका छन् । यससंगै कुल संक्रमितको संख्या ८ लाख २१ हजार १ सय २१ पुगेको स्वास्थ्य तथा जनसंख्या मन्त्रालयले जनाएको छ ।

त्यस्तै, आज २ सय ६४ जना संक्रमणमुक्त भएका छन् । हालसम्म ८ लाख २ हजार ६ सय ५३ जना संक्रमणमुक्त भएका छन् । मन्त्रालयको अनुसार पछिल्लो २४ घन्टामा पिसीआर विधिबाट २ सय ४३ र एन्टिजेन विधिबाट १६ जनामा संक्रमण पुष्टि भएको हो । पछिल्लो २४ घन्टामा कोरोनाबाट १ जनाको मृत्यु भएको छ ।

मन्त्रालयको अनुसार आज ९ हजार ८ सय ८८ परीक्षणमा २ सय ५९ जनामा संक्रमण पुष्टि भएको हो ।