दाङमा भीरबाट लडेर एक बृद्धको मृत्यु

दाङ,मंसिर १२ । दाङमा भीरबाट लडर एक बृद्धको मृत्यु भएको छ। तुलसीपुर उपमहानगरपालिका वडा नं. ९ छिल्लीकोटका ६६ वर्र्षीाय रामबहादुर पुनको भीरबाट लडेर मृत्यु भएको हो।

पुनका छोरा प्रकाश पुनका अनुसार मंसिर २ गते घरबाट बिजौरीतर्फ भकारी बेच्न रामबहादुर आएका थिए । तर पछि घर नफर्किएपछि खोजी कार्य गर्दा शनिबार झुल्के सामुदायिक वनको चोरकाटे भीरबाट लडेको अवस्शामा शव भेटिएको छोरा प्रकाशले जानकारी दिए ।

शनिबार टोपी र जुत्ता फेला पारेपछि बृद्धको शव मृतकका छोरा शिवप्रसाद पुनले फेला पारेका थिए । शव पोस्टमार्टमका लागि राप्ती प्रादेशिक अस्पताल तुलसीपुरमा लगिएको छोरा प्रकाशले बताए ।