मोटरसाइकल दुर्घटना हुँदा एक जनाको मृत्यु

कपिलबस्तु,मंसिर १२ ।  कपिलवस्तुमा तीन मोटरसाइकल एकआपसमा ठोक्कर खाएका छन् । जिल्लाको विजयनगर ६ फरेनी चोकमा उत्तरबाट दक्षिणतर्फ जाने क्रममा ३ मोटरसाइकल एकआपसमा ठक्कर खाएका हुन् ।

मोटरसाइकल एकआपसमा ठोक्किदा एक जनाको मृत्यु भएको छ । मृत्यु हुनेमा विजयनगर ६ खजहानी डिहवा बस्ने अन्दाजी २५ बर्षीय वन्सिलाल चौहान रहेको प्रहरीले जनाएको छ ।

दुर्घटनाबाट २ जना घाइते भएका छन् । उनीहरुको चन्द्रौटास्थित संजिवनी अस्पतालमा उपचार भइरहेको इलाका प्रहरी कार्यालय गशेणपुरले जनाएको छ।

एकआपसमा ठोक्किएका लु १३ प ३०९८ र लु ३४ प ७०५४ को मोटर साइकल प्रहरीले नियन्त्रण रहेको छ । अर्को मोटरसाइकल लिएर चालक भने फरार छन् ।