नेपाली काङ्ग्रेस पाल्पाको सभापतिमा श्रेष्ठ निर्वाचित
पाल्पा,मंसिर ११ । नेपाली काङ्ग्रेस पाल्पाको सभापतिमा हिमालदत्त श्रेष्ठ निर्वाचित हुनुभएको छ । प्रतिद्वन्द्वी कृष्ण बस्याललाई पराजित गर्दै श्रेष्ठ सभापतीमा विजयी हुनुभएको हो ।
नेतृत्व चयन लागि शुक्रबार भएको निर्वाचनमा कुल १ हजार ३ सय १३ मत खसेकोमा श्रेष्ठ ८ सय ९० मतसहित सभापतीमा विजयी भएको निर्वाचन समितिले बताएको छ । श्रेष्ठका निकट्तम प्रतिद्वन्द्वी बस्यालले ३ सय ८१ मत ल्याउनुभएको छ ।
यस्तै कांग्रेसको उपसभापतिमा झपेन्द्र गैरेले ७ सय ५४ मत र ज्ञानबहादुर गाहाले ७ सय ७३ मतसहित विजयी हुनुभएको निर्वाचन अधिकृत दिनेश त्रिपाठीले जानकारी दिनुभयो । पाल्पामा दुई जना उपसभापतिका लागि चार जनाको प्रतिष्पर्धा भएको थियो । उपसभापतिका उम्मेदवार शंकर खनालले ३ सय ६४ र माधव नेपालले ५ सय ४३ मत मात्र पाउनुभएको थियो ।
यस्तै सचिवमा सुनिता अधिकारी ७ सय ८५ मतसहित विजयी हुनुभएको छ । अर्काे सचिव पदमा ८ सय ७ मतसहित सन्तोष थापाले जित हासिल गर्नुभयो । सचिव पदका अन्य उम्मेदवार हुमनाथ न्यौपानेले ३ सय ८२, खुमप्रसाद पोखरेलले ३ सय १३ मत पाउनुभयो । यस्तै सहसचिव पदमा विष्णुकुमार थापा र हुमिद मिया निर्वाचित हुनुभएको छ । थापाले ७ सय ४३ र मियाले ६ सय ४१ मत पाउनुभएको थियो ।