पञ्चकन्यामा विकासको गाडी गुडाउने हो, बाधा पुर्याउनेको भुडी फुटाउने हो- अध्यक्ष तामाङ (भिडियो)
नुवाकोट, मंसिर ११ । जिल्लाको पञ्चकन्या गाउँपालिकाका अध्यक्ष तेजबहादुर तामाङले जति बाधा अड्चन आइपरे पनि विकास निर्माणको सवालमा आफू पछि नहट्ने बताएका छन। मंगलबार गाउँपालिकाद्वारा आयोजित “पञ्चकन्या मेला २०७८” मा आफ्नो मन्तव्य राख्दै अध्यक्ष तामाङले विकास निर्माणको सवालमा कसैले बाधा अड्चन ल्याए त्यस्ता विरोधीलाई सजिलै परास्त गर्ने बताएका हुन।
पछिल्लो समयमा पञ्चकन्याले सामाजिक तथा पर्यटकीय प्रवर्द्धनका निम्ति विभिन्न योजना अगाडि बढाएको स्मरण गर्दै अध्यक्ष तामाङले भने-“पञ्चकन्यामा विकासको गाडी गुडाउने हो, कसैले त्यसलाई बाधा पुर्याए त्यसको भुडी फुटाउने हो ।”
कार्यक्रममा उपस्थित हास्य कलाकार सुबोध गौतमको प्रसङ्ग जोड्दै अध्यक्ष तामाङले ‘सुबोध कमरेडले गाउँ बिकासमा पञ्चकन्याले फड्को मारेको बताउनुभयो, हामी अलिकति पनि बिचलित नभई विकास निर्माणमा केहि न केहि बिकास गरौं भनी लागिपरेको बताए।
कलाकार राष्ट्रिय गहना भएकाले समग्र पञ्चकन्या गाउँपालिका स्थायी घर भइ राजधानी तथा अन्यत्र क्षेत्रमा संघर्षरत कलाकारलाई एउटै मञ्चमा राखी सम्मान गर्न पाएकोमा आफूलाई हर्षानुभूती भएको बताए।
कार्यक्रममा चर्चित हास्य कलाकार सुबोध गौतम, विश्व दोङ लगायत कलाकारहरुले साङ्गितिक प्रस्तुति दिएका थिए।
भिडियो हेर्नुस्