आमाको हत्या गरेको आरोपमा छोरा पक्राउ

पाल्पा,मंसिर १० । आफ्नै आमाको हत्या गरेको आरोपमा पाल्पामा छोरा पक्राउ परेका छन्। प्रहरीका अनुसार रिब्दिकोट गाउँपालिका-८ पेलाचौर बस्ने ४३ वर्षीय कृष्ण सारुलाई बिहीबार राति प्रहरीले पक्राउ गरेको हो ।   पाल्पा ६० वर्षीया आफ्नै आमा मेनु सारुको कुटपिट गरी हत्या गरेको अभियोगमा रिब्दिकोट गाउँपालिका-८ पेलाचौर बस्ने ४३ वर्षीय कृष्ण सारुलाई बिहीबार राति प्रहरीले पक्राउ गरेको छ।

सारुले मादक पदार्थ सेवन गरी आफ्नै ६० वर्षीया आमा मेनु सारुको हत्या गरेको प्रहरीले जनाएको छ। मादक पदार्थ सेवन गरि सालको काठले प्रहार गर्दा  सारुको घटनास्थलमै मृत्यु भएको जिल्ला प्रहरी कार्यलय पाल्पाका सूचना अधिकारी रामेश्वर त्वातीले जानकारी दिए ।

घटनाको सम्बन्धमा थप अनुसन्धान भइरहेको प्रहरीले जनाएको छ ।