गोठमा आगलागी हुँदा सिन्धुपाल्चोकमा जलेर तीन बालकको मृत्यु

सिन्धुपाल्चोक,मंसिर ७ । सिन्धुपाल्चोकमा गोठमा आगलागी हुँदा जलेर तीन बालकको मृत्यु भएको छ।

जिल्लाको हेलम्बु गाउँपालिका वडा नम्बर ७ सरसिङमा सञ्च तामाङको घरमा आगलागी हुँदा तीन बालकको जलेर मृत्यु भएको हो।

जिल्ला प्रहरी कार्यालय सिन्धुपाल्चोकका प्रहरी नायब उपरीक्षक दक्षकुमार बस्नेतका अनुसार मृत्यु हुनेमा सञ्च तामाङका छोरा वर्ष ६ का मनोज तामाङ, सुकुमान तामाङका छोरा वर्ष ५ का मनिष तामाङ र साइला तामाङका वर्ष ५ क दिलबहादुर तामाङ रहेका छन्।

घटना बारे अनुसन्धान भैरहेको प्रहरीले जनाएको छ। आगो भने स्थानीयको सहायताले नियन्त्रण गरिसकिएको छ।