कोरोना अपडेट: थप २३८ जनामा संक्रमण पुष्टि, ३७० निको

काठमाडौं, मंसिर ५। नेपालमा पछिल्लो २४ घण्टामा कोरोना भाइरसका २ सय ३८ जना संक्रमित थपिएका छन् । यससंगै कुल संक्रमितको संख्या ८ लाख १९ हजार १९ पुगेको स्वास्थ्य तथा जनसंख्या मन्त्रालयले जनाएको छ ।

त्यस्तै, आज ३ सय ७० जना संक्रमणमुक्त भएका छन् ।हालसम्म ८ लाख ३ सय ५९ जना संक्रमणमुक्त भएका छन् । मन्त्रालयको अनुसार पछिल्लो २४ घन्टामा पिसीआर विधिबाट २ सय ३२ जना र एन्टिजेन विधिबाट ६ जनामा संक्रमण पुष्टि भएको हो ।

पछिल्लो २४ घन्टामा आज संक्रमणबाट एकजनाको मृत्यु भएको स्वास्थ्य मन्त्रालयले जनाएको छ । यससँगै कुल मृत्तकको संख्या ११ हजार ४ सय ९६ जना पुगेको छ । मृत्युदर १ दशमलव ४ प्रतिशत हो ।