माओवादी केन्द्र नुवाकोट लिखु गाउँपालिका वडा नम्बर ६ को अध्यक्षमा सुमन भण्डारी

नुवाकोट, मंसिर ३ । नेपाल कम्युनिस्ट पार्टी माओवादी केन्द्र लिखु गाउँपालिका वडा नम्बर ६ को अध्यक्षमा सुमन भण्डारी निर्विरोध चयन भएका छन्।

शुक्रबार छहरे बजारस्थित होटल भोज किङमा भएको पार्टीका आस्थावान नेता तथा कार्यकर्ताको भेलाले भण्डारीलाई पार्टीको वडा अध्यक्षमा चयन गरेको हो।

वडाका अन्य पदाधिकारीहरुमा उपाध्यक्ष कृष्णबहादुर मिजार, सचिव भोला भण्डारी, सह-सचिव सुरेश लामिछाने, कोषाध्यक्ष सत्यदेवी डङोल चयन भएका छन्।

कार्यक्रममा माओवादी केन्द्र नुवाकोटका हिरानाथ खतिवडा, पुष्प लामिछाने, राजन गौतम, सुबास तामाङ,गणेश अधिकारी लगायत नेताकार्यकर्ताको सहभागिता रहेको थियोे। कार्यक्रम पूर्व मोटरसाइकल र्याली समेत गरिएको थियोे ।