गुल्मीको भाडागाउँमा एक पुरुष मृत फेला
गुल्मी,मंसिर २ । गुल्मीमा घरबाट हराएका एक पुरुष मृत फेला परेका छन् । जिल्लाको रेसुङ्गा नगरपालिका वडानम्बर–२ बाख्रेछेडामा भाडामा बस्ने ६२ वर्षका थानेश्वर सारुमगर मृत फेला परेको जिल्ला प्रहरी कार्यालय गुल्मीले जनाएको छ ।
मृतक सारु मगर मंसिर १ गते घरमा कोही कसैलाई जानकारी नगराई हिडेको र फेला नपरेको भनि जिल्ला प्रहरी कार्यालयमा खोजतलास गरिदिन श्रीमतीले निबेदन दिएको प्रहरीले जनाएको छ । निबेदनका आधारमा प्रहरी निरिक्षक सन्तोष चन्दको कमाण्डमा खटिएको टोलीले रेसुङ्गा नगरपालिका वडानम्बर–३ भाडगाउँ नजिक पहिरोमा बाटो देखी अन्दाजी २५० मिटर तल मृत अवस्थामा फेला परेको प्रहरीले जनाएको छ ।
घटनाको प्रकृति हेर्दा लडेर मृत्यु भएको हुन सक्ने प्रहरीले प्रराम्भीक अुनमान गरेको छ । घटनाको बारेमा थप अनुसन्धान भइरहेको प्रहरीले जनाएको छ । मृतक सारु मगरको घर इस्मा गाउँपालिका वडानम्बर–२ ताल्तुङ्ग रहेको छ । उनि केहि वर्ष पहिलेदेखि तम्घासमा भाडामा बस्दै आएका थिए ।