रोल्पामा बस दुर्घटना हुँदा ४ को मृत्यु, ६ जना गम्भिर घाइते
रोल्पा,मंसिर २ । माडी गाउँपालिका २ जलजलामा बस दुर्घटना हुँदा ४ जनाको मृत्यु भएको छ । भने ६ जना घाइते भएका छन् ।
दाङको घोराहीबाट रोल्पा थबाङ तर्फ जादै गरेको ना ३ ख ५५१८ नम्बरको बस बिहिबार साँझ दुर्घटना हुँदा ३ पुरुष र एक जना महिलाको घटनास्थलमै मृत्यु भएको रोल्पाका प्रहरी प्रमुख डीएसपी नरेशराज सुवेदीले जानकारी दिए । मृतकहरुको पहिचान हुन सकेको छैन ।
दुर्घटनामा परेर घाइते भएका ६ जनाको घर्तीगाउँमा उपचार भइरहेको छ । घाइतेहरुको अवस्था गम्भिर रहेको प्रहरीले बताएको छ । बस शहिद मार्ग देखि १०० मिटर तल माडिखोलामा खसेको छ । भने घटनाको बारे थप अनुसन्धान भइ रहेको प्रहरीले बताएको छ ।