दाङको बंगलाचुलीमा डोजर दुर्घटना हुँदा चालकको मृत्यु
दाङ,मंसिर २ । दाङको बंगलाचुली गाउँपालिका -५ मा डोजर पल्टिदा अपरेटर(चालक)को मृत्यु भएको छ । सडक सफाई गर्ने क्रममा रा १ क ९१४ नंम्वरको डोजर दुर्घटना हुँदा घोराही – १० बुधौराका २२ वर्षिय चालक सुनिल विकको घटनास्थलमै मृत्यु भएको हो ।
यस्तै डोजरका सहचालक बर्दियाको गुलरिया नगरपालिका – १ का २३ वर्षिय राजकुमार चौधरी सामान्य घाईते भएको बंगलाचुली गाउँपालिका अध्यक्ष भक्तबहादुर वलीले जानकारी दिनुभयो ।
बंग्लाचुलीको मुर्कुटिदेखी भ्युटावर जोड्ने सडकखण्ड सफाई गर्ने क्रममा आज विहान डोजर दुर्घटनामा परेको अध्यक्ष वलीले बताउनुभयो। घुम्तीमा सडक मर्मतको क्रममा माटोमा भसिएर जेसिबि दुर्घटनामा परेको हुन सक्ने अनुमान गरिएको छ ।