टोखा नगरपालिकाद्वारा नगर स्मारिका विमोचन
काठमाडौं,कात्तिक ३० । टोखा नगरपालिकाको नगर स्मारिका विमोचन भएको छ।
मंगलबार एक समारोहका बीच टोखा नगरपालिकाको वडा नम्बर ३ मा स्मारिका विमोचन गरिएको हो।
‘टोखा नगर स्मारिका २०७८’ नामकरण गरिएको सो पुस्तकमा जनप्रतिनिधि बहालदेखि हालसम्म( विक्रम संवत २०७४- २०७८) को प्रगति विवरण समेटिएको नगरले जनाएको छ।
नेपाल कम्युनिस्ट पार्टी एमालेका महासचिव इश्वर पोखरेलको प्रमुख उपस्थितिमा भएको स्मारिका विमोचन समारोहमा टोखा नगरका मेयर प्रकाश अधिकारी, उपमेयर ज्ञानमाया डङोल, वडा अध्यक्षहरु, नगरका सबै वडाका बुद्धिजीवी लगायतको उपस्थिति रहेको थियोे।