कोरोना अपडेट: संक्रमित ४१६, मृत्यु १
काठमाडौं, कात्तिक २९ । नेपालमा पछिल्लो २४ घण्टामा कोरोना भाइरसका ४ सय १६ जना संक्रमित थपिएका छन् । यससंगै कुल संक्रमितको संख्या ८ लाख १७ हजार ३ सय ३३ पुगेको स्वास्थ्य तथा जनसंख्या मन्त्रालयले जनाएको छ ।
त्यस्तै, आज २ सय ९० जना संक्रमणमुक्त भएका छन् । हालसम्म ७ लाख ९८ हजार ५ सय ४४ जना संक्रमणमुक्त भएका छन् । मन्त्रालयको अनुसार पछिल्लो २४ घन्टामा पिसीआर विधिबाट ३ सय ६७ र एन्टिजेन विधिबाट ४९ जनामा संक्रमण पुष्टि भएको हो ।
कोरोना संक्रमणबाट सोही समयावधिमा थप एक जनाको मृत्यु भएको छ । योसँगै कोरोना संक्रमणबाट नेपालमा मृत्यु हुनेको संख्या ११ हजार ४ सय ७८ पुगेको स्वास्थ्य मन्त्रालयले जनाएको छ ।