मोरङमा ग्याङ फाइट, खुकुरीले हानेर युवकको हत्या
मोरङ,कात्तिक २९ । मोरङमा एक युवकको हत्या भएको छ । बुढीगंगा गाउँपालिका–६ कोयलपुरमा ग्याङ फाइट हुँदा २६ वर्षीय रिजन दाहालको हत्या भएको हो ।
प्रहरीको अनुुसार २७ गते बेलुका टर्च लाइट बालेको विषयमा दुई समुहबीच विवाद भएको र त्यही विषयमा रिसिबीको रुपमा लिएर राति हत्या भएको हो ।
धनकुटा पाख्रीवास घर भएका रिजन इटहरीमा बस्दै आएका थिए । उनी भतिजीको जन्मदिन मनाउन शनिबार राति त्यहाँ आएका थिए । दुई समुहका सबैजना मदिरा पिएका थिए । उनको ५/६ जनाको समुहसँग विवाद भएपछि विवाद बढ्दै जाँदा उनलाई बारीमा लगेर आक्रमण गरेको प्रहरीले जनाएको छ ।
दाहाललाई टाउकोमा सात जनाले खुकुरी प्रहार गरेको प्रहरीको भनाई छ । गम्भिर घाइते भएका दाहाललाई उपचारको लागि अस्पताल लैजाँदै गर्दा बाटोमा नै मृत्यु भएको थियो । शव पोस्टमार्टमको लागि कोसी अस्पताल विराटनगरमा राखिएको छ ।