रुपन्देही र सिन्धुलीमा दुर्घटना: एक–एक जनाको मृत्यु
काठमाडौं,कात्तिक २९ । रुपन्देहीको तिलोत्तमा नगरपालिका–२ जानकीनगरमा हिजो बेलुकी रोकिराखेको ट्याक्टरमा मोटरसाइकल ठोक्किंदा मोटरसाइकल चालकको मृत्यु भएको छ ।
दुर्घटनामा गम्भीर घाइते भएका अर्घाखाँचीको सन्धिखर्क नगरपालिका–८ पकलेका ४८ वर्षीय चन्द्र प्रसाद अर्यालको क्रिमसन अस्पताल मणिग्राममा उपचारको क्रममा मृत्यु भएको प्रहरीले जनाएको छ । आइतबार बेलुकी पौने ८ बजे रोकिराखेको लु २ त ९७९९ नम्बरको ट्याक्टरमा, लु ३३ प ७६१५ नम्बरको मोटरसाइकल ठोक्किंदा अर्याल गम्भीर घाइते भएका थिए ।
यस्तै सिन्धुलीको सुनकोशी गाउँपालिका–६ रिट्ठेगाउँमा आइतबार बेलुकी सात बजेतिर रा १ त ३१७३ नम्बरको ट्याक्टरबाट खसेर स्थानीय ६६ वर्षीय रमेश कार्कीको मृत्यु भएको छ ।