ओखलढुंगामा जिप दुर्घटना, चार जना तीर्थयात्रीको मृत्यु
ओखलढुंगा,कात्तिक २९ । ओखलढुंगाको सुनकोसी गाउँपालिका ९ काँडेभन्ज्याङ नजिकै जिप दुर्घटना हुँदा चार जनाको मृत्यु भएको छ। जिल्ला प्रहरी कार्यालय ओखलढुंगाका अनुसार चार जनाको घटनास्थलमै मृत्यु भएको छ।
मृत्यु हुनेहरूमा ३५ वर्षीया मिठुमाया मगर, वर्ष १६ वर्षीया तुलसा मगर र खगेन्द्र मगर रहेका छन् । एक जनाको सनाखत भइसकेको छैन । दुर्घटनामा १२ जना घाइते भएका छन् । घाइतेमध्ये गम्भीर रहेका चार जनालाई उपचारका लागि काठमाडौँ ल्याइएको छ ।
चम्पादेवी ककनी मन्दिर दर्शन गर्न हिँडेकाे प्रदेश ३–१०२२–च९६९४ नम्बरको जीप दुर्घटना हुँदा १३ जना घाइते छन्। घाइतेमध्ये चार जनाको अवस्था गम्भीर रहेको प्रहरीले जनाएको छ। मृतकको खनाखत भइसकेको छैन भने दुर्घटनाको कारणबारे अनुसन्धान भइरहेको ओखलढुंगाका प्रहरी नायब उपरीक्षक गोविन्दराज काफ्लेले बताए।