रोल्पामा जीप दुर्घटना हुँदा तीनको मृत्यु, ३ जना गम्भिर घाइते
रोल्पा,कात्तिक २८ । रोल्पामा आज जीप दुर्घटना हुदा ३ जनाको मृत्यु भएको छ । आईतबार बिहान ११ बजेतिर पिकअप जीप दुर्घटना हुँदा चालक सहित तीन जनाको घटनास्थलमै मृत्यु भएको हो जिल्ला प्रहरी कार्यालय रोल्पाका प्रहरी प्रमुख डिएसपी नरेशराज सुबेदीले बताए। अन्य तीन जना घाइतेलाई उपचारका लागि घर्तिगाउँको सुनिल स्मृती अस्पताल लगिएको छ । मृत्यु हुनेमा दुई पुरुष र एक महिला छन।
रोल्पाको माडी गाउँपालिका वडा नंम्वर ६ हान्निङ भन्ने ठाउँबाट घर्ती गाउँ तर्फ जाँदै गरेको रा १ ज ३८२ नंम्वरको यात्रुबहाक पिक अप जीप आज बिहान ११ बजेतिर दुर्घटनामा परेको थियो । मृतकहरुको पहिचान खुल्न नसकेको प्रहरीको भनाई छ ।
माडी गाउँपालिका ६ को २१ वर्षिय विना घर्तिमगर, सोही ठाउँका १८ वर्षिय लिन पुन मगर र ६१ वर्षिय पञ्चना विक गम्भिर भएको र उनिहरुलाई उपचारका लागी अन्यत्र लैजाने तयारी भैरहेको डिएसपी सुबेदीले जानकारी दिनुभयो । जीपमा चालक सहित ६ जना सवार रहेको सुबेदीले जानकारी दिनुभएको छ । जोखिपुर्ण भुगोलमा मोडको सडकमा जिप दुर्घटना भएकाले यन्त्रिक गडबडिका कारण भएको हुन सक्ने प्रहरीको भनाई छ ।