प्यूठानका बजार क्षेत्रहरु प्रत्येक शनिबार बन्द हुने
प्युठान,कात्तिक २७ । प्यूठान बजार क्षेत्रका पसल आजदेखी शनिवार बन्द हुने भएका छन् । हरेक हप्ताको शनिवार बन्द हुदै आएका बजार क्षेत्रका पसल, व्यवसाय र उद्योग चाडपर्वको समयमा खुल्ला हुने गरेका थिए । प्यूठान उद्योग बाणिज्य संघले यस अघि चाडपर्वलाई लक्षित गदै गत भदौ देखी शनिवार पनि बजार खुला गरेको थियो ।
तर, नेपालीहरुको महान चाडपर्वहरु सकिएको हुँदा आज देखी लागु हुने गरी अब हरेक शनिवार बजार बन्द हुने उद्योग बाणिज्य संघ प्यूठानका अध्यक्ष केदारमान कक्षपतिले जानकारी दिए। बजार क्षेत्रका पसल, व्यवसाय, कलकारखाना तथा उद्योगहरु शनिवार बन्द गर्ने निर्णय भएको उनले जानकारी दिए ।
पसल र उद्योगहरुमा कार्यरत मजदुरहरुको मागलाई पनि मध्यनजर गर्दै शनिवार बजार बन्द हुने संघले जनाएको हो ।