मोटरसाईकलको ठक्करबाट प्युठानमा ११ वर्षिय बालकको मृत्यु
प्युठान,कात्तिक २७ । प्युठानमा मोटरसाईकलको ठक्करबाट एक जनाको मृत्यु भएको छ। जिल्लाको सरुमारानी गाउँपालिका वडा नं. २ ददेरी निवासी ११ वर्षीया सुदिप जिसीको मोटरसाईकलको ठक्करबाट मृत्यु भएको जिल्ला प्रहरी कार्यालय प्युठानका प्रबक्ता प्रहरी निरिक्षक देवीप्रसाद गैरेले जानकारी दिनुभयो।
पैदल हिँडिरहेका जिसीलाई प्युठानवाट दाङको भालुवाङ तर्फ जाँदै गरेको रा ४ प ५०४८ नंवरको मोटरसाईलकलले शनिबार दिउसो ददेरीमा ठक्कर दिएको थियो। जिसीलाई उपचारका लागि अस्पताल लैजादै गर्दा बाटोमै मृत्यु भएको हो । गैरेका अनुसार मोटरसाईकल चालक अहिले फरार छन।
मोटरसाईकलको पछाडी बस्ने एकजनालाई भने प्रहरीले नियन्त्रणमा लिएको बताएको छ। घटनापछि आक्रोशित मृतकका आफन्त र स्थानीयले शव सडकमै राखेर दर्भान भालुवाङ सडकखण्ड अबरुद्व पारेका छन्।