मूल्य वृद्धिको विरोधमा नुवाकोटमा प्रदर्शन
नुवाकोट, कात्तिक २६ । मूल्य वृद्धिको विरोधमा नुवाकोटमा प्रदर्शन भएको छ। पेट्रोलियम पदार्थको मूल्य वृद्धि विरुद्ध नेकपा एमाले सम्बद्ध युवा संगठन राष्ट्रिय युवा संघ नेपालले नुवाकोटको सदरमुकाम विदुरमा प्रदर्शन गरेको हो ।
शुक्रबार विदुरमा राष्ट्रिय युवा संघ नेपालका युवा नेताहरुले विदुरमा शुक्रबार प्रदर्शन गरेका थिए । उनिहरुले पेट्रोलियम ग्याँसको दिन प्रतिदिन भईरहेको मुल्य वृद्धिको विरोधमा सरकार विरुद्ध नारावाजी समेत गरेका थिए ।
निगमले पछिल्लो समय डिजेल, पेट्रोल र मट्टितेलको मूल्य प्रतिलिटर ३ रुपैयाँले बढाएको थियोे । मूल्य वृद्धि भएसँगै पेट्रोलको मूल्य प्रतिलिटर १ सय ३६ रुपैयाँ पुगेको छ। त्यस्तै मट्टीतेल र डिजेलको मुल्य १ सय १९ रुपैयाँ प्रतिलिटर पुगेको छ।