चन्द्रौटा उद्योग वाणिज्य संघद्वारा अग्निपीडित व्यवसायीलाई सहयोग
कपिलवस्तु,कात्तिक २६ । चन्द्रौटा उद्योग वाणिज्य सङ्घद्वारा अग्नि पीडित दुई युवा व्यवसायीलाई सहयोग गरिएको छ ।आगलागी वाट पूर्ण रूपमा क्षति भएकोले सङ्घको पहलमा केही रकम र पलाई सहयोग प्रदान गरेको सङ्घका अध्यक्ष जम्सेद मियाँले बताउनुभयो ।
उद्योगी तथा व्यवसायीको लगानी जोखिममा रहेकोले यो विपले पाठ सिकाउने हुँदा हरेस नखान अध्यक्ष मियाँले सुझाव दिनुभयो । नगद ५२ हजार ८ सय र डेढ लाख बरावरको ८१ पिस पलाई पसल सञ्चालक विष्णु भुसाल र बाबुराम गिरीलाई प्रदान गरिएको महासचिव दमन भाट(नारायण) ले बताउनुभयो ।
पुराना सामाग्री नष्ट भएकोले अब पुन नयाँ तरिकाले व्यवसाय सञ्चालन गर्दा आवश्यक सहयोग गर्ने संघका वरिष्ठ उपाध्यक्ष ईश्वरी प्रसाद पाण्डेले बताउनुभयो । बिमाको पहल र बैक कारोबारको लागि सङ्घले आवश्यक पक्रियामा सहयोग गर्ने भन्दै थप ऊर्जाका साथ व्यवसाय सञ्चालन गर्नुपर्नेमा जोड दिनुभयो । शिवराज नगरपालिका ५ चन्द्रौटामा रहेका चन्द्रौटा फिक्स सप र ल्यापटप हस्पिटलमा गत मगंलवार राती आगलागी भएको थियो । राती करिव १० बजे लागेको आगोले ९० लाख बढीको क्षती भएको थियो । दुबै पसलका सबै सामाग्रीहरु नष्ट भएका थिए ।