सुपादेउराली जादै गरेको जीप दुर्घटना हुँदा दुई जना घाईते
प्युठान,कात्तिक २५ । प्युठानको मल्लरानी गाउँपालिका वडा नम्बर -३ बुकिनीमा जीप दुर्घटना हुँदा दुई जना घाईते भएका छन । मल्लरानी – १ चुद्ररिखोला देखि अर्घाखाचिको सुपा देउराली मन्दिर दर्शन गर्न जाँदै गरेको लु१ज ३७०७ नम्बरको जीप दुर्घटनामा परेको हो ।
दुर्घटनामा परि २ जना सामान्य घाइते भएको जिल्ला प्रहरी कार्यालय प्यूठानले जानकारी दिएको छ । प्रहरीका अनुसार ३५ बर्षिया सुरज नेपाली र २२ बर्षिया सुबास नेपाली घाईते भएका हुन। उनिहरु जिल्ला अस्पताल बिजुवार प्यूठानमा सामान्य उपचार पछि घर फर्केका छन ।
जीपमा पन्ध्र जना यात्रु सवार रहेका थिए। दुर्घटनाको कारण भने खुल्न सकेको छैन ।