नुवाकोटको छहरे बजार पुल नजिकै महिलाको शव फेला
नुवाकोट, कात्तिक २४ । जिल्लाको लिखु गाउँपालिका वडा नम्बर ६ स्थित छहरे बजारको पुलमुनी एक महिलाको शव फेला परेको छ।
बुधबार बिहान पुल आवातजावत गर्ने पैदलयात्रुले पक्की पुलमुनी मानव शव झैं देखेपछि स्थानीयले प्रहरीलाई खबर गरेका थिए।
मृत महिला शिवपुरी गाउँपालिका वडा नम्बर ८ घर भएकी स्थानीय २९ वर्षीया बिनिता नेपाली रहेको जिल्ला प्रहरी कार्यालय नुवाकोटका प्रहरी नायब उपरीक्षक (डिएसपी) हरिबहादुर ओलीले बताए। घटनाको विस्तृत अनुसन्धान भैरहेको जिल्ला प्रहरी कार्यालय नुवाकोटले जनाएको छ।