बुधबार ४ सय ४० जना संक्रमित थप, ४७४ निको

काठमाडौं,कात्तिक २४ । नेपालमा पछिल्लो २४ घण्टामा कोरोना भाइरसका ४ सय ४० जना संक्रमित थपिएका छन् । यससंगै कुल संक्रमितको संख्या ८ लाख १५ हजार ५ सय ५९ पुगेको स्वास्थ्य तथा जनसंख्या मन्त्रालयले जनाएको छ ।

त्यस्तै, सोही समयावधिमा ४ सय ७४ जना संक्रमणमुक्त भएका छन् । हालसम्म ७ लाख ९६ हजार ७ सय ८० जना संक्रमणमुक्त भएका छन् । मन्त्रालयको अनुसार पछिल्लो २४ घन्टामा पिसीआर विधिबाट ३ सय ८७ र एन्टिजेन विधिबाट ५३ जनामा संक्रमण पुष्टि भएको हो ।

कोरोना संक्रमणबाट थप ६ जनाको मृत्यु भएको छ । यससँगै कोरोना संक्रमणबाट नेपालमा मृत्यु हुनेको संख्या ११ हजार ४ सय ६० पुगेको स्वास्थ्य मन्त्रालयले जनाएको छ ।