प्यूठानमा गोठ जलेर खरानी, ३ लाख बराबरको क्षती

प्युठान,कात्तिक २२ । प्यूठान नगरपालिका वडा नंवर ३ ओखरबोटको एक गोठमा सोमबार दिउसो आगोलागि  लागेको छ । स्थानिय सन्त बहादुर रानाको गोठमा आगो सल्किदा करिब रु ३ लाख बराबरको क्षति भएको परिबार श्रोतले जनाएको छ ।

स्थानिय तिलक सुनारका अनुसार गोठ जलेर पर्ण रुपमा नष्ट भएको छ । घटना दिउसो ३ बजेको हो। करिब २ घण्टापछि स्थानियको सहयोगमा आगो नियन्त्रणमा आएको हो । गोठमा सुनार र उहाकी श्रीमति बस्दै आउनुभएको  सुनारले बताउनुभयो । गोठमा रहेको सम्पूर्ण कपडा , काठपात तथा अन्न जलेर नष्ट भएको जनाईएको छ ।

आगोलागीबाट मानबिय तथा पशुचौपाया केहिमा क्षति भएको छैन । आगो लाग्नुको कारण खुलेको छैन ।