दाङमा जिप दुर्घटना : १ को मृत्यु, १९ जना घाइते
दाङ,कार्तिक २२ । दाङमा जीप दुर्घटना हुँदा एकजनाको ज्यान गएको छ। भने १९ जना घाईते भएका छन।सल्यानको कालिमाटीबाट दाङको तुल्सीपुर तर्फ आउँदैगरेको भे १ ज ५२२ नम्बरको जिप दाङको बबई गाउँपालिका २ एक्लेबरमा दुर्घटनामा परेको प्रहरीले जनाएको हो ।
दुर्घटनामा परि सल्यान जिल्ला कालीमाटी गाउँपालिका ३ का सवारी धनी अन्दाजी बर्ष ३५ का देब बहादुर सुनारको घटना स्थलमा नै मृत्यु भएको र १९ जना घाइते भएको जिल्ला प्रहरी कार्यालय दाङले जनाएको छ ।
दुर्घटनामा परि घाईते भएकाहरु मध्य पाँच जनाको अवस्था गम्भिर र बाँकीको अवस्था मध्यम रहेको जिल्ला प्रहरी कर्यालय दाङले जनाएको छ । घाइतेहरुको तुल्सीपुर स्थित राप्ती प्रादेशीक अस्पतलमा उपचार भैरहेको जिप्रका दाङका प्रहरी नायव निरिक्षक मोहन जंग बुढाथापाले जनाकारी दिए।
चालक दलका सदस्य सहित १२ जना बोक्ने क्षमता रहेको उक्त जिपमा चालक सहित २१ जना सवार रहेका थिए । क्षमता भन्दा बढी यात्रु बोकेको, सडक अवस्था जिर्ण रहेको र जिप तिब्र गतिमा रहेको कारण अनियन्त्रीत बन्न गई दुर्घटना भएको हुन सक्ने प्रहरीको अनुमान रहेको छ । जिप भिरालो पाखोमा सडक भन्दा करीब २ सय मिटर तल खसेको प्रहरीले जनाएको छ ।