कोरोना अपडेट: थप १४३ जनामा संक्रमित, ५६३ संक्रमणमुक्त

काठमाडौं,कात्तिक २१ । नेपालमा पछिल्लो २४ घण्टामा कोरोना भाइरसका १ सय ४३ जना संक्रमित थपिएका छन् । यससंगै कुल संक्रमितको संख्या ८ लाख १४ हजार ५ सय ५८ पुगेको स्वास्थ्य तथा जनसंख्या मन्त्रालयले जनाएको छ ।

आज ५ सय ६३ जना संक्रमणमुक्त भएका छन् । हालसम्म ७ लाख ९५ हजार ३ सय ९७ जना संक्रमणमुक्त भएका छन् । मन्त्रालयको अनुसार पछिल्लो २४ घन्टामा पिसीआर विधिबाट १४१ जना र एन्टिजेन विधिबाट २ जनामा संक्रमण पुष्टि भएको हो ।

कोरोना संक्रमणबाट सोही समयावधिमा थप ९ जनाको मृत्यु भएको छ । यससँगै कोरोना संक्रमणबाट नेपालमा मृत्यु हुनेको संख्या ११ हजार ४ सय ४८ पुगेको स्वास्थ्य मन्त्रालयले जनाएको छ ।