सल्यानमा बस दुर्घटना हुँदा मृत्यु हुनेको संख्या १२ पुग्यो

सल्यान,कात्तिक २१। सल्यानमा यात्रुबहाक बस दुर्घटनामा परी मृत्यु हुनेको संख्या १२ जना पुगेको छ । दुर्घटनामा १० महिला र २ पुरुषको मृत्यु भएको जिल्ला प्रहरी कार्यालय सल्यानका प्रमुख डिएसपी गोविन्द थापाले जानकारी दिए ।

उनका अनुसार मृतकको अझै सनाखत हुन सकेको छैन् । तिब्र गतिका कारण बस दुर्घटनामा परेको हुन सक्ने उनले बताए ।

सल्यान खलंगादेखि दाङको तुलसीपुर जाँदै गरेको ना २ ख २५५२ नम्बरको बस आइतबार बिहान कपुरकोट गाउँपालिका ५ खारखोलामा दुर्घटना भएको हो । बसमा ३० जना सवार रहेको अनुमान गरिएको छ । बस सडकदेखि २०० मिटर तल खोलामा खसेको हो ।