कोरोना अपडेट: थप १३९ जना संक्रमित, डिस्चार्ज ३९६
काठमाडौं,कात्तिक २०। नेपालमा पछिल्लो २४ घण्टामा थप १३९ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयको अनुसार गएको २४ घण्टामा नेपालमा २१ सय ३४ पिसिआर र १७९८ एन्टिजेन गरी जम्मा ३ हजार ९३२ जनाको कोरोना परिक्षण गरिएको थियो ।
परिक्षण गरिएको मध्ये १३९ जनामा कोरोना संक्रमण पुष्टि भएको मन्त्रालयले जनाएको छ ।
यस्तै कोरोना संक्रमणको कारण निधन हुनेको संख्या १ रहेको छ भने गएको २४ घण्टामा नेपालभर ३९६ जना निको हुनु भएको छ ।
१९ सय ८५ जनाले कोरोना विरुद्धको खोप लगाएको पनि मन्त्रालयले जनाएको छ । हाल सम्म नेपालमा ८ हजार ४ सय ४४ जना सक्रिय कोरोना संक्रमित रहेका छन् ।
नेपालमा कोरोना संक्रमण निको हुनेको दर ९७.६ प्रतिशत अर्थात ७ लाख ९४ हजार ८३४ रहेको छ ।
हाल सम्म नेपालमा कोरोना संक्रमणको कारण मृत्यु हुनेको संख्या ११ हजार ४३९ रहेको पनि स्वास्थ्य तथा जनसंख्या मन्त्रालयले जनाएको छ ।