श्रीमानकाे लाठी प्रहारबाट श्रीमतीको मृत्यु

दाङ,कात्तिक २० । दाङमा श्रीमानको लाठी प्रहारबाट श्रीमतीको मृत्यु भएको छ। गढवा गाउँपालिका-६ बालापुरका ६० वर्षिय दानबहादुर थापाले ५० वर्षिया श्रीमती सुनिता रोकालाई लाठी प्रहार गरी हत्या जिल्ला प्रहरी कार्यालय दाङले जनाएको छ।

मदिरा सेवन गरेका थापाले सामान्य विवादको क्रममा श्रीमती सुनितालाई लाठीले टाउको, घाँटीलगायतमा आक्रमण गर्दा घटनास्थलमै मृत्यु भएको प्रहरीले जनाएको छ।

दुई छोरामध्ये एउटा छोरा तिहार मनाउन गएको र अर्को छोरा गाउँमा साथीको घरमा गएको बेला श्रीमान श्रीमतीबीच विवाद भएको प्रहरीको भनाइ छ। सुनिता थापाकी कान्छी श्रीमती हुन्। हत्या आरोपित थापा भने फरार रहेको र खोजीकार्य थालिएको प्रहरीले जनाएको छ।