कोरोना अपडेट: १८३ थप कोरोना संक्रमित, २ को मृत्यु, ६४९ डिस्चार्ज
काठमाडौं,कात्तिक १९ । नेपालमा पछिल्लो २४ घण्टामा थप १८३ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार गएको २४ घण्टामा नेपालमा २५ सय ३७ एन्टिजेन र २३ सय ७ पिसिआर गरी जम्मा ४ हजार ८४४ जनाको कोरोना परिक्षण गरिएको थियो ।
त्यसमध्ये ९ जनाको एन्टीजेन र १७४ जनाको पिसिआर मार्फत गरी जम्मा १८३ जनामा कोरोना संक्रमण पुष्टि भएको छ । यस्तै कोरोना संक्रमणको कारण निधन हुनेको संख्या २ रहेको छ भने गएको २४ घण्टामा नेपालभर ६४९ जना निको हुनु भएको छ ।
३७ सय ७५ जनाले कोरोना विरुद्धको खोप लगाएको पनि मन्त्रालयले जनाएको छ । हाल सम्म नेपालमा ८ हजार ४ सय १३ जना सक्रिय कोरोना संक्रमित रहेका छन् ।
नेपालमा कोरोना संक्रमण निको हुनेको दर ९७.६ प्रतिशत अर्थात ७ लाख ९४ हजार ४३८ रहेको छ ।
हाल सम्म नेपालमा कोरोना संक्रमणको कारण मृत्यु हुनेको संख्या ११ हजार ४३८ रहेको पनि स्वास्थ्य तथा जनसंख्या मन्त्रालयले जनाएको छ ।