जाजरकोटमा मिनीट्रक दुर्घटना : दुईको मृत्यु

जाजरकोट,कात्तिक १९ । जाजरकोटमा मिनिट्रक दुर्घटना भएको छ । सुर्खेतदेखि जुनिचाँदे जाँदै गरेको  बा५ख २५०१ नम्बरको मिनीट्रक जाजरकोटस्थित रिठे खोलामा बिहीबार राति ११ बजे दुर्घटना भएको हो। दुर्घटनामा परि दुई जनाको मृत्यु भएको र एकजना बेपत्ता भएको प्रहरीले जनाएको छ ।

घाइते हुनेमा आसिका खड्का, करिश्मा रावत, जुनिचाँदेका दीपकबहादुर शाही, धनबहादुर रावत, नवीन सिंह र निराजन खड्का रहेका छन् । घाइतेमध्ये धनबहादुर चालक रहेका छन् । राति भएका कारण अझै ठेगाना नखुलेको र फोन सम्पर्क हुनसमेत मुस्किल भएको प्रहरीले जनाएको छ ।

गाडीमा दश जना सवार थिए । मृतक मध्ये ठेगाना नखुलेका दिलबहादुर शाहीको सनाखत भएको छ भने अर्का मृतक र बेपत्ताको नाम नाम खुल्न सकेको छैन ।