पाल्पामा रुखले च्यापेर एकजनाको ज्यान गयो
पाल्पा,कात्तिक १८ । पाल्पामा रुखले च्याँपेर एकजनाको ज्यान गएको छ। जिल्लाको तानसेन नगरपालिका वडा नम्बर १४ अर्गलीमा रुखले च्यापेर ५६ वर्षिय लक्ष्मण पाण्डेको मृत्यु भएकाे जिल्ला प्रहरी कार्यालय पाल्पाका सूचना अधिकारी रामेश्वर त्वातीले बताउनुभयो ।
उनका अनुसार आफन्तको घरमा घोत मिसाउन जाने क्रममा उनलाई बरको रुखले च्यापेको हो। कालीगण्डकी कोरिडोर सडकखण्डमा पर्ने कुरुङ्ग खोला तर्ने क्रममा ढुङ्गामा चिप्लिएर लडेका पाण्डेलाइ आकस्मात नजिकैको वरको रुख ढलेर च्यापेको थियो ।
पाण्डेलाई केही तल सम्म खोलाले बगाएर लगेको बताईएकाे छ । कोरिडोरमा रहेको उक्त खोलामा पुल नहुदा स्थानीयले बर्सेनि सास्ती भोग्नु परेको छ । मृतकको शवलाई पाेष्टमार्टमका लागि पाल्पा सदरमुकाम ल्याईएको प्रहरीले जनाएको छ।