नगर प्रमुख अधिकारीले गरे टोखा २ नम्बरको वडा भवन शिलान्यास
काठमाडौं,कात्तिक १८ । टाेखा नगरपालिका वडा नम्बर २ को वडा कार्यालय भवन शिलान्यास भएको छ। बुधबार एक समारोहका बीच टोखा नगर प्रमुख प्रकाश अधिकारी र सोही वडाका अध्यक्ष दीपकराज जोशीले भवनको शिलान्यास गरेका हुन।
टोखाको ऐतिहासिक तलेजु मन्दिर परिसर अगाडि ( क्वाखल) मा बन्न लागेको सो भवन हाललाई साढे २ तल्लाको बन्ने वडा नम्बर २ को कार्यालयले जनाएको छ । भवन ठेकेदार अमर सारथि जेभि कम्पनीले निर्माण गर्न लागेको हो। सो भवनमा मुल्य अभिवृद्धि कर बाहेक लागत १ कराेड ४२ लाख ७० हजार ६ सय ७४ रुपैयाँ २४ पैसा रहेको छ।
टाेखा नगरपालिकामा वडा कार्यालयमध्ये अधिकांश वडाको भवन निर्माण सम्पन्न भइसकेको छ भने कुनै वडा कार्यालय भवन निर्माणको क्रममा छन् । स्थानीय सरकार आएको ४ वर्ष देखि हालसम्म पुरानो चण्डेश्वरी प्राथमिक स्वास्थ केन्द्रको साघुरो एक तले भवनमा वडा कार्यालय बनाएर जनताको सेवा गरिरहेको टाेखा वडा न २ को वडा कार्यालय भवन निर्माणपछि सेवाग्राहीलाई सहज हुने अपेक्षा गरिएको छ।
भवनको शिलान्यास कार्यक्रममा टोखा नगरपालिकाका मेयर प्रकाश अधिकारी, उपमेयर ज्ञानमाया डंगोल,टाेखा वडा २ का अध्यक्ष दीपक राज जोशी, टाेखा वडा ९ का अध्यक्ष जोग प्रसाद नेपाल, टाेखा वडा १० का अध्यक्ष मधुसुधन पाण्डे,टाेखा वडा ११ का अध्यक्ष उत्तम अधिकारी, टोखा नगरपालिकाका प्रशासकीय प्रमुख प्रकाश आचार्य, प्राविधिक उमेश श्रेष्ठ, टाेखा वडा २ का सदस्यहरु प्रेम कृष्ण खड्गी,हेराकाजी महर्जन डंगोल, पञ्च कुमारी श्रेष्ठ, ,प्रतिमा हिङ्गमाङ्ग लगायत स्थानीयको समेत उपस्थिति रहेको थियोे ।