बागलुङको जङ्गलमा ५ थान भरुवा बन्दुक फेला

बागलुङ,कात्तिक १७ । बागलुङमा जंगलभित्र लुकाई राखिएको ५ थान एकनाले भरुवा बन्दुक फेला परेको छ।
जिल्लाको बडिगाड–४ जलजलास्थित भिर जंगलमा लुकाईराखेको अवस्थामा प्रहरीले ती बन्दुक बरामद गरेको हो।

प्रहरी चौकी ग्लवालीचौरबाट खटिएको गस्ती टोलीले जङ्गलमा बेवारिसे अवस्थामा लुकाईराखेको अवस्थामा बन्दुक बरामद गरेको जनाइएको छ । ती बन्दुक कसले लुकाएको हो भन्नेबारे अनुसन्धान भइरहेको प्रहरीको भनाइ छ ।

केही महिना अघि पनि बागलुङकै एउटा जंगलको ओढारमा लुकाईराखेको अवस्थामा बन्दुकहरु प्रहरीले बरामद गरेको थियो ।