थप ४ सय ४७ जनामा कोरोना पुष्टि, मृत्यु संख्या ७

काठमाडौं,कात्तिक १७ । नेपालमा पछिल्लो २४ घण्टामा कोरोना भाइरसका ४ सय ४७ जना संक्रमित थपिएका छन् । यससंगै कुल संक्रमितको संख्या ८ लाख १३ हजार ८ सय २८ पुगेको स्वास्थ्य तथा जनसंख्या मन्त्रालयले जनाएको छ ।

सोही समयावधिमा ४ सय ३९ जना संक्रमणमुक्त भएका छन् । हालसम्म ७ लाख ९३ हजार २ सय ७१ जना संक्रमणमुक्त भएका छन् । मन्त्रालयको अनुसार पछिल्लो २४ घन्टामा पिसीआर विधिबाट ३ सय ९५ र एन्टिजेन विधिबाट ५२ जनामा संक्रमण पुष्टि भएको हो ।

कोरोना संक्रमणबाट थप ७ जनाको मृत्यु भएको छ । यससँगै कोरोना संक्रमणबाट नेपालमा मृत्यु हुनेको संख्या १३ हजार ४ सय ३४ पुगेको स्वास्थ्य मन्त्रालयले जनाएको छ । यो मृत्युदर १ दशमलव ४ प्रतिशत हो ।